Hinnerm Horizont geht`s weider…..

Morsche Ihr Leut,

jetzt habbe mer also des Kackspiel des Jahres hinner uns. Also des Spiel des wo kaaner braucht. Jedenfalls mir net. Dazu will isch aach net viel sache

Dazu will isch aach net viel sache weil isch mir immer noch net  sischer bin ob mer des net eher von vornerei abgehakt hatte. Is aach egal weil mer Gestern widder genau des selbe gesehe hat wie in dene Spiele vorher. Mer habbe kaa gescheite Ausseverdeidischer. Mer brauche aach net lang rumjammer, mit Punkte hat eh kaaner gereschend. Also gugge mer nach vorne. Next Woch komme dann die Ostholländische Jungpferde zu besuch ins Waldstadion. Un Ihr Leeut, isch sachs Eusch! Da muß was gehe.

Mer könnt sisch ja jetzt hie hocke und rum schenne über unser sportlich un sonstische Vereinsführung, so wie des die gesamt Presse hier in Frankfort mäscht. Des wär abber zu einfache sach isch eusch. Erstens sinn die Herrschafte jetzte mal so rischdisch beleidischd weil de Heribert gesacht hat das dem des rumgenörschel uffen Sack geht. Un zwaadens weil des weder de Mannschaft noch dem gemeine Fan irschend ebbes hilft wenn mer jetzt mit dem dick Knüppel druff haut. Nadierlisch iss net alles Gold was glänzt, und es graut die Sau, wenn mer sieht was die Abwehr alles vergeischt. Ach de Zwersch schennt ja erum, wie ihr selbst lese könnt. Abber mer muß aach die Kersch im Dorf lasse. Da werfe die Herrn Schornaliste, besonners die obberklugscheißer von de FR , dem 19 jährische Stendera un dem 20 jährische Kittel vor das die des Spiel net unner Kontrolle bringe. Debai habbe die zwaa net mal e ganz halb Jahr erst Zeit gehabt sisch in die Mannschaft un die Bundeslischa zu finne. De Ozzy hingesche kann da hinne verzappe was der will, bei dene kimmt der immer gut weg. Egal wie oft der nebe sich un net nebe seim Geschespieler gestanne hat. Nur ma so als Beispiel. Da habbe mer e paar rischdisch gute, junge Fußballjuwelscher bei uns in de Mannschaft, un die dabbische Buchstabeschubser habbe nix anners zu du als die schlecht zu schreibe. Isch find des erbärmlisch. Junge Leut muß mer Zeit lasse sich zu entwickeln, Fehler müsse se mache derfe weil mer aus Fehlern lernt. Von dene aale Böck die mer da aach uffem Platz habbe, schenne die nur übber de Meier. Des kenne mer abber ja schon seit ewische Zeite. Das der gesche Hangover mehr gute devensiv Aktione hat, als de Kollesch Ozzy, liescht ja net am faule Meier der net laafe will.

So rischdisch abber, geht mer uff die Eier, das isch immer wieder lese muß das die Fans trotz schleschter Leistunge noch in Stadion komme un aach noch bis zur letzte Minut afeuern! Ei des is doch de Gipfel von de dummdabbische möschte gern Alleswisser. Ei horscht e mal, des sinn Fans, und kaa hergelaafene Schornaliste die fer ihr Ego un fer Geld alles schreibe. Des sinn Leut die en Haufe Geld ausgebbe fer ihr Mannschaft, ihrn Verein. Die net deham uff de Couch hocke un sisch des Dummgebabbel von euern schwätzende Kollesche ahörn, sondern sogar ins lauschige Paderborn odder ins arrogande Münsche fahrn. Wenn die schenne und meckern dede, hädde die alles Reschd dezu.Die sinn kridisch abber net undgereschd. Ihr abber die Ihr uff eure Presstribünscher sitzt, sollt eusch e mal frache in wie weit ihr e Mitschuld habt wenn`s net so läuft wie`s soll. Jeden Spieler zwanzisch ma die Woch die selbe blöde Frache stelle un jeden Forz der jemand quer sitzt breittrede hilft kaam Spieler besser zu wern, im Gescheteil.

Also gugge mer , wie schon obbe gesacht nach vorne. Mir sinn immer noch achter, un immer noch in de näh von Euroba. Ach wenns mit dra lischt das anner genauso dabbische Spiele verliern. Wie sacht unsern Heribert immer? “ So isses Geschäft“

Bis dann !

Ihne Ihrn Bembelzwersch