En Gang runner geschaltet !


Guude,

ma umgugge. Hat sisch de Rauch verzoche? So wie da letzt Woch um sisch geschosse worn is, hätt mer ja denke könne de dritte Weltkrisch is am Riederwald ausgebroche. Ma ehrlisch Leut, jetzt halde ma de Ball flach un holt e mal dief Luft…… So, schon besser !

Des muß ja e haue un steche gewese sei, wenn mer de Medie folschd, da derft ja kaaner lebend rausgekomme sei. Man habe die sisch uffgeblase, Machtkampf am Riederwald ! Trainer Bashing, Schaaf rausgemopt, Heribert werd enteiert, lauder so e Zeusch habbe die geschribbe. Un wenn aaner was gesacht hat, also sowas von übbertreibt net so Medie, dann habbe se sisch ins Ecksche gehockt un habbe geheult das mer nur noch Medienschelte mache det. Ei, sach ma habt ihr dann ma übberhaupt kaa bissje Selbstkritik mehr für eusch übrisch? Da macht ihr en Qualitätsschornalismus wie die Kollesche von RTL2, und wunnert eusch dann das mer ma sacht das ihr mal halblang ,mache sollt. Abber gut mer muß sisch wohl dra gewöhne das die Ufflach wischdischer is als de Inhalt. Des soll ja hier jetzt aach ka Medienschelte wern, da hat de Bembelzwersch aach ka Lust dezu un des wär ja aach vollkomme Zwecklos wie isch heut so in der Rundschau widder gelese hab. Die halde ja immer noch dra fest das die Mannschaft, heut übrischens übber die Hälft, sisch übber de Schaaf beschwert habbe.  Egal!

Das de HR die Story vom Machtkampf gebracht hat is ja in Ordnung, wenns dann halt ordentlisch rescherschierd is. Des hat ja dann in de Soziale Netzwerke sämtlische Trolle, Dummschwätzer un Schlechtbabbler uff den Plan gerufe. Was da alles so zusamme geschribbe worn is…… ! Des scheint fer so manschen de anzische Wesch zu sei wenischstens noch e bissje befriedischung zu habbe, wenn mer uff annern rumhackt.

So egal, gugge mer ma in die Zukunft, Kaffesatz geht net, weil der Zwersch e Padmaschin hat. Was mache mer dann jetzt mit unserm neue Trainer. Spekuliert werd ja ohne Ende. Name wern ruf un runner gestuft, de aane werd bei A. als verbrannt genannt, bei B. is er noch Favorit. Mit annern Worte, diejenische diewo alles zu wisse vorgebe wisse garnix. Gut so. Last den Bruno in Ruh sei Abbeid mache. Isch hab da vollstes Vertraue in de Bruno un unsern Vorstand. Aach wenn mer de Heribert als lahme Ente bezeichne dud. Des is der net. Un unsern zwaade Vorstand hat ja aach noch mit zuredde. Des aanzisch blöde is halt das mer ohne neue Trainer aach kaa neue Spieler an Land ziehe können. Geduld is jetzt angesacht. Da sin mir Zwersche ganz klar im Vorteil. Geduld habbe mir allemal, des sieht mer ja an unsernen Weiße Bärt.

Also dann ihr Leut Tschau bis dem Nächst,

Euern Bembelzwersch

Advertisements

4 Kommentare zu „En Gang runner geschaltet !

  1. Des mit de Padmaschine hat mich so zum lache gebracht! Scheiss Zivilisationsprobleme! *hahaha*

    Ach ich werd, jetzt nach dem verflixt leckere Rucola-Pesto dann doch lieber mei urahl Siebträschermaschin anwerfe, ma gugge ob die mehr zu erzähle habbe duht.

    Isch bin begeistert, dass so alltägliche Probleme aach von der uffgegriffe werrn des mescht ja sonst aach kaaner!

    Un des mit de verbrannte Name un dem weisse Bart ei des war aach vortrefflisch ausgedriggt. Ich bin begeistert! De Leut schee uff de Mund geguggt und aach noch so schee widder gegebbe.

    Da hat misch de Zwersch schee uffs laafende gebracht und ich hab debei aach noch gelacht 😉

    Was könnt besser sei. Sonst müsst isch mer nur unndisch

    Gefällt mir

  2. …nur unnödisch Gedanke mache was ja zwischen de Spielzeite immer e ziemmlisch trocken Aageleschenheid is. Un, mer wolle uns ja net verschlugge ;).

    So, und nun e lecker Barista Käffsche uffn Blatter Sepp, also net uff den, sondern uff sein Rücktritt.

    Soll er sein Lebensabend in Unfrieden fristen. Er hat es sich verdient. Ich hoff er wird hunnert Jahr-ab moije im Kittchen, wenns nach mir ging.

    Darauf trink ich jetzt en dunkle Kaffee. So schwarz wie Josefs Seele.

    Gefällt mir

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s